我好唔開心呀！
其實我都好懊悔好憎自己。我讀書唔叻，跟唔上老師所教的課程。其實我都有諗過，主動要求老師下課後解釋多一次給我聽。不過是無可能的，他們個個都咁忙，無人會理我，他們自己都要寫報告考基準試啦！
我好久無同爸媽傾過偈了，他們都好忙，要返工嘛！爸還一個星期上足五日大陸，阿媽又要返Shift，爸和媽兩個自己都無乜偈傾，同我就更加無溝通。
我有上補習班的，他們最叻是搶錢和貼題目，完全不是教授學校的書本，解釋和幫我跟上課程。
這個世界上的大人好衰，好多人都貪心腐化、背信棄義、好大喜功、唯利是圖、假公濟私、麻木不仁、空話連篇、言之無物，還扮晒、扮偉大。
這排天氣熱得要命，聽說是全球天氣暖化，冰山也融了，世界末日快到！
讀好多書都無用喇。讀完大學後都未必有好工做，連醫生都埋怨人工偏低。
前途？我見不到；心情？好沉重。
所有害處我都知道
大人只懂用鄙視的眼光來看我們，大聲疾呼地叫我們不要頹廢，不要濫藥！
我夠知索K啪丸唔好喇，所有丸仔的害處我知晒。
我都好悵惘、好懊悔、好孤寂，你大人可以怎樣幫我呀！
http://hk.news.yahoo.com/070725/12/2c9gd.html
沒有留言:
張貼留言